" Día da muller traballadora "

O pasado día 9 de marzo, celebramos o día da muller traballadora levando a cabo diferentes dinámicas no centro. En educación infantil: a miña muller mais importante, contacontos de Arthur e Clementina e siluetas. No primeiro ciclo: o semáforo vermello da igualdade, música pola igualdade e quero ser de maior. No segundo ciclo: superheroína, xogo dos dereitos e adeviña quen son e no terceiro ciclo: rodadas tarefas, contos con heroínas (Carapuchiña) e rúas con nome de muller.

" Día de Rosalía "

Aquí vos deixamos unha mostra do traballo levado a cabo polo alumnado de primeiro e terceiro de primaria sobre a vida da nosa escritora galega mais universal ,Rosalía de Castro.

 

" Día da muller e da nena na ciencia "

Este mércores con motivo do día da muller e da nena na ciencia o alumnado de segundo de primaria preparounos na biblioteca unha sesión de experimentos no que participamos todo o centro. Enhoraboa, sodes uns/unhas científicos/científicas xeniais!

" 20 de novembro: día da infancia "

Este ano para conmemorar o día dos dereitos da infancia, no obradoiro de polos creativos o alumnado de 5º e 6º de Educación primaria fixemos un pequeno proxecto de investigación no que cada un e cada unha tiñamos unha tarefa asignada.

O primeiro que fixemos foi investigar cales son eses dereitos e eses deberes que temos como nenos e nenas. Trala investigación, decidimos facer un deseño o que se englobaban todos os dereitos e con este deseño crear uns banderíns para todo o cole e un quebracabezas coa cortadora láser para cada aula.
Ademais, descubrimos o importante que era o traballo en equipo convertíndonos en escritores/as de historias e en ilustradores/as destas historias, onde o resultado foi a fermosa histora titulada "O rei inxusto".
Como a infancia relaciónase coa cor azul, decidimos vir todo o centro vestidos de azul e crear entre todos e todas o noso mural creativo, onde a única norma era empregar a cor azul. Quedounos precioso!!
O alumnado de infantil, primeiro e segundo de primaria, fixemos unha Ginkhana dos Dereitos da Infancia. 
Esta actividade iniciouse co visionado dun video explicativo sobre os Dereito e Deberes da Infancia, e despois realizamos 9 probas diferentes (sopa de letras, aforcado, preguntas, ruletas...). Por cada proba superada, recibimos unha peza do quebracabezas ata conseguir as nove.
Foi unha xornada moi divertida e interesante na que aprendemos moitas cousas !!!