" Sesión de Cine "

Hoxe o alumnado de terceiro, cuarto, quinto e sexto de educación primaria asistiron ao Concerto Punkinfantil nos xardíns do concello con motivo dos 21 días en galego, promovido dende o Concello. Así que os que quedamos no cole, tivemos unha sesión de cine " Kérety, a casa dos contos ", con palomitas incluídas 😄!

" A mellor sopa do mundo "

O pasado 18 de marzo o alumando de infantil, 1º, 2º e 3º EP, asistimos ao concerto didáctico da Escola de Música Municipal de Moaña no auditorio do IES As Barxas. Escoitamos o conto "A mellor sopa do mundo" mentres cantamos e bailamos a súa canción. Ademais, tivemos a oportunidade de escoitar os instrumentos en directo e desfrutar das diferentes pezas musicais que nos ofreceron.

Foi moi divertido!

" Xornada de Xogade "

Onte asistimos a unha xornada de atletismo nas pistas polideportivas da Xunqueira dentro do programa da Xunta de Galica Xogade.

" Entroido "

Moitas grazas a todas as familias que nos acompañaron no noso desfile pola contorna con motivo do entroido. Pasámolo xenial 😍!

" Jugger"

A pasada semana tivemos no centro ao Club deportivo  Cormoráns, equipo que impulsa a práctica do Jugger en Galicia. Deporte alternativo de equipo, de ritmo rápido e mixto, que mestura elementos de deporte de equipo como o rugby con habilidades individuais da esgrima. Xógase con "pomfens" (armas acolchadas) par protexer a un corredor, quen é o encargado de levar a bola (o "jugg" ) á base contraria para marcar puntos.

 

" Día da muller traballadora "

O pasado día 9 de marzo, celebramos o día da muller traballadora levando a cabo diferentes dinámicas no centro. En educación infantil: a miña muller mais importante, contacontos de Arthur e Clementina e siluetas. No primeiro ciclo: o semáforo vermello da igualdade, música pola igualdade e quero ser de maior. No segundo ciclo: superheroína, xogo dos dereitos e adeviña quen son e no terceiro ciclo: rodadas tarefas, contos con heroínas (Carapuchiña) e rúas con nome de muller.

" Plantación de árbores "

O pasado 4 de marzo o noso alumnado de segundo de primaria, participou xunto con alumnado do resto dos centros de Moaña, na plantación de 130 árbores autóctonos no entorno medieval da torre de Meira. Dita iniciativa foi organizada polo Concello de Moaña e as tres comunidades de montes do municipio.

" Día de Rosalía "

Aquí vos deixamos unha mostra do traballo levado a cabo polo alumnado de primeiro e terceiro de primaria sobre a vida da nosa escritora galega mais universal ,Rosalía de Castro.