" 21 días "

 Traballo realizado por Martín e Daniel, alumnado de cuarto de primaria, no obradoiro de audiovisuais sobre a actividade dos 21 días en galego promocionada polo Concello e o equipo de dinamización e normalización linguística. 

" Inverno "

 Traballo realizado por alumnado de infantil no obradoiro de audiovisuais, coa axuda de alumnado de sexto de primaria. Moitas grazas por axudarnos 😍

 

" Traballando a primavera "

 Traballamos a primavera. Ariadna e Alba escolleron unha actividade que tiveron que facer o resto do alumnado do obradoiro. Despois elas foron as encargadas de facer as fotos e de facer esta montaxe😍.

 

 

" Obras de arte "

 Aquí vos deixamos un vídeo da actividade realizada no obradoiro de audiovisuais coa aplicación thisissand, imprimíronno, fixeron as fotos e posteriormente este vídeo. Ambos traballos o levaron para a casa ao rematar o obradoiro.

 

 

" Plantación de árbores "

 O Pasado martes 28 de febreiro o alumnado de segundo de educación primaria foi a Chan de Porco (Domaio) a participar na actividade de prantación de árbores con alumnado doutros coles de Moaña. A Actividade organanizada pola Comunidade de montes de Domaio en colaboración co resto de comunidades de montes de Moaña e o concello fixo que gozaran dunha mañá moi agradable. Ademais bailaron e cantaron coa actuación de Brais de Hortas. Felicitacións a organización por promover actividades que contribúen  á concienciación e respecto polo medio ambiente.

 

 

"PARTICIPAMOS NUN CONCERTO DE REGUEIFAS EN QUINTELA"

O alumnado de 5º curso de primaria participamos, xunto cos demáis colexios de primaria, no obradoiro de poesía improvisada (regueifas) no auditorio de Quintela, amenizado polos "regueifeiros" Luis "O Caruncho" e Pinto de Herbón.

Neste fermoso día no que comeza a primavera, os alumnos e alumnas da Guía demostramos as nosas habilidades poéticas e de canto, endulzadas cun saboroso roscón con que o Concello de Moaña nos obsequiou. 

" Obradoiro regueifas "

Onte,no cole, tivemos a sorte de contar cun obradoiro de regueifas para o alumnado de quinto de educación primaria. Esta actividade está dentro das actividades de normalización lingüística ofertadas polo concello de Moaña. Moitas grazas, pasámolo xenial.

 Aquí vos deixamos un vídeo realizado por algún alumnado de infantil dentro dos obradoiros de audiovisuais que levamos a cabo todos os mércores no centro. Que ben o pasamos!

" Obradoiro con material de refugallo "

 Tivemos a sorte de contar no centro con Matrácala para realizar un obradoiro de percusión con materiais reciclados. Neste obradoiro participou o alumnado dende infantil ata cuarto de educación primaria. Encantounos!😍

" Provocación "

 En infantil as nosas mestras sempre nos sorprenden con cousas que molan moito. O pasado venres fixéronno cunha provocación que é unha invitación, unha suxerencia nun rincón da aula que invita ao alumnado a participar, a interesarse polo que hai preparado para exploralo, utilizalo e por tanto, aprender a través do descubrimento. Aquí vos deixamos a mostra do ben que o pasamos!