O pasado martes o alumnado de cuarto tivo a sorte de contar no centro con Xabier Blanco e responsables de AFAMO para coñecer a historia dos maios e compoñer as súas coplas, que cantarán o día 2 de maio nunha actividade que faremos en colaboración con Afamo e outros centros da contorna.
Este mércores, o alumnado de cuarto e quinto de educación primaria asisitiron ao pavillón do Gatañal en Cangas para disputar un campionato de balonmán contra outros centros da contorna. Esta iniciativa forma parte do programa XOGADE DA CONSELLERÍA DE EDUCACIÓN. A verdade, que o pasamos xenial e conseguimos gañar algún que outro partido!
O alumnado de primeiro e segundo de educación primaria puideron vivir en primeira persoa os talleres de "Arte Terapia" e "Reciclaxe " que ofrece a asociación Amigos do Morrazo Verde (AMV).
Visto os resultados das súas obras, podemos non soamente augurar, senón incluso confirmar, que son uns/unhas GRANDES ARTISTAS 😍!
Aquí vos deixamos o Kamishibai realizado polo alumnado de cuarto de primaria sobre o conto " Martín Gris " con motivo da visita da asociación AFAMO. O representaron tanto para eles coma para o resto do cole.
O alumnado de primeiro, segundo, terceiro e cuarto de primaria visitaron o pasado venres o museo de Masó en Bueu. Descubrimos a historia que hai detrás desta antiga conserveira e fixemos un obradoiro sobre as baleas e o medio ambiente. A verdade que aprendemos moitas cousas!.
O pasado xoves Alma, Valentina e Biel, foron os nosos representantes no pleno infantil levado a cabo na sala de plenos do concello de Moaña onde tiveron que expoñer o seu argumento sobre a soidade na infancia e migración. A verdade que o fixeron super ben. Enhoraboaaa!
O alumnado do CEIP A GUÍA organiza unha recollida de alimentos no SPAR EXPRESS de Meira (Moaña) para doar ao BANCO DE ALIMENTOS. Do 22 ao 26 de abril podes facer a túa aportación. Colaboremos para axudar aos máis desfavorecidos!#bancoalimentosvigo #ceipaguiamoaña #voluntariado
https://www.instagram.com/reel/C54UZYcN982/?igsh=aWtjbG5jamt0d296O venres, 12 de abril, participamos no Programa XOGADE, organizado pola Secretaria Xeral para o Deporte da Xunta de Galicia, en colaboración coas Agrupaccións Deportivas Escolares para a promoción e dinamización do deporte escolar. Xogamos uns partidos de voleibol con diferentes colexios do Morrazo. Pasámolo moi ben.
O pasado venres 12 de abril o alumnado de sexto de primaria inicouse na aprendizaxe da lingua portuguesa no obradoiro " O mundo de Iño", ofertado polo Concello de Moaña dentro da campaña 21 días en galego. Nel puideron aprender un pouco máis sobre a cultura portuguesa, a súa língua e costumes así coma algo de gramática básica. Esta actividade tivo unha moi boa acollida por parte do alumnado.
O alumnado de infantil acudiu o pasado martes A Banca a ver a obra de teatro " Pingüi. Aquí deixamosvos a mostra. Que ven o pasamos!!
Con motivo da celebración da semana da pascua, dende o equipo de biblioteca creamos un divertido escape room da busca do tesouro dos ovos de chocolate. O alumnado tivo que resolver unha serie de enigmas, tanto lingüísticos coma matemáticos para obter as chaves e os códigos correspondentes para acadar abrir o cofre do tesouro. Para abrir cada sobre cos retos, tiñan que resolver o reto anterior e obter dese xeito as chaves. Pasámolo xenial!!
