O xoves pasado, tivemos a visita do escritor e xornalista en lingua galega, Abél Tomé, que veu a falarnos do seu libro “Milú e o edificio das persoas extraordinarias”.Este libro é unha maravillosa fábula que nos fala do poder que teñen os nenos e nenas para imaxinarse un mundo mellor. O protagonista do libro é un neno que ten o don de construir sonos.
Intercambiamos impresións acerca da súa obra e formulámolle moitas preguntas sobre o seu libro e a súa obra en xeral.
O pasado luns, todo o centro fomos ao novo OCINE Gran Vía de Vigo a ver a película de Mufasa. Petición feita polo alumnado dentro do noso proxecto de centro " Musical o rei león ".
O pasado martes tivemos unha Master Class da man de Tati, unha profe de baile a que o alumnado de terceiro de primaria, responsables da coreografía do noso musical, lle solicitaron a súa axuda. Escribíronlle unha carta e ela aceptou con moito entusiasmo. Preparou con noso elenco de bailarinas a coreografía "Preparaos ". Foi unha sesión moi produtiva ademáis de divertida.
Moitísimas grazas Tati por axudarnos tanto. Esperámoste cando queiras!😍
Os alumnos e alumnas de 3º e 4º EP disfrutaron o venres 14 de marzo da proposta escénica "RRRedobra. A sinfonía do cambio" de Odaiko Percusión Group no Auditorio do Teatro de ABANCA. O alumnado puido comprobar que, co exceso de residuos e a falta de materias primas, o grupo de percusión foi capaz de empregar materiais de reciclaxe como instrumentos musicais.
Aquí vos deixamos un vídeo dunha visita moi especial que tivemos no cole e da que aprendimos moitas cousas. Grazas!😍
